പറയാതെ പറയുന്നു പലതും
നീയിച്ചുടു കൈത്തലം
കൊണ്ടെന്റെ കൈയ്യിൽ!
പ്രണയം-അതിതീവ്രതീവ്രം
അനവധി നാളായി
ഉള്ളിലടച്ചത്‌.
വിരഹം-കരിനീലനീലമായ്‌
കൺപീലി നനച്ചത്‌.
അരിയ പിണക്കങ്ങൾ,
നൂറു കിനാവിൻ
വളപ്പൊട്ടുകൾ,
ഞാനറിയാതെ നീ കേട്ട
നിലാവിന്റെ പാട്ടുകൾ.
അരികിലായിരുന്നപ്പൊഴുമകലം
നടിച്ചു നാം
അറിയാതെ ആടിയ
നാടക വേഷപ്പകർച്ചകൾ.
ഒരു ഞൊടിയിടകൊണ്ടു
ഞാനറിയുന്നു മൂകം-
നീ നിൻ തുടുവിരലാലെന്നിലെഴുതിയ
കവിതകൾ.
Saturday, September 18, 2010
Subscribe to:
Post Comments (Atom)
4 comments:
:-)
എന്താണീ 'അരിയ പിണക്കങ്ങള്‍' എന്നു പറഞ്ഞാല്‍
ഉപാസന
അരിയ=മനോഹരമായ:-)
നിലാവിന്റെ പാട്ടുകൾ മാത്രം ഒറ്റക്കു കേട്ടതെന്താണാവോ?
ഞാനറിയാതെ നീ കേട്ട
നിലാവിന്റെ പാട്ടുകൾ.
മനോഹരമായിരിക്കുന്നു ഈ എഴുത്ത് ...
ഭാവുകങ്ങള്‍
Post a Comment